DAHIL

Ngayo'y alam ko na
na ang mahalaga
ay 'di mahalaga
dahil iniibig kita
sa panahong
pinagdududahan ko ang pag-ibig
na iniibig kita

Ang iyong kalapitan
ang masungit mong ngiwi,
ang mga matang nakatutok sa kawalan
at sa kalahatan,
ang iyong nahihiyang mga labi
pinatigas ng taon at pag-ibig
ito ang mga bagay na aking minimithi
dahil iniibig kita

Dahil sa iyo
ay natagpuan ko ang sarili
sariling natutuliro
muli at muli
paulit-ulit
upang muli na naman
magsimulang matuliro
paulit-ulit
muli at muli
dahil iniibig kita