ULAP

May mga pagkakataon
Na ang mga ulap
Ay tila ba kaylapit
At kaya mong maabot
At kaya mong mahawakan
At kaya mong mayakap
At kaya mong mahagkan

May mga araw na dumarating
Na may dalang pag-asa
Ulap na pagkaputi-puti
Ulap na pagkalapit-lapit
Ulap kong minamasdan
Alam mo kaya ang aking pangalan

Dahil ulap na pagkalapit-lapit
Titigan ko man nang titigan
Pilitin ko mang mayakap at mahagkan
Puting ulap na nasa aking harapan
Ay patuloy na lumalayo
At patuloy na tumatakbo
Hagkan ko man at haplusin
Ay alam kong hindi magiging akin

Subalit sa umagang kagaya ngayon
Hiram man ang ating panahon
Ang yakap ko't mga halik
At haplos sa pisnging kay kinis
Ang ulap kong minimithi
Ay akin lamang ngayong sandali

Bagama't hindi akin muli at muli