|
S'YA LAMANG ANG IIBIGIN
Maganda pa rin ang kalawakan
mapang-akit pa rin ang kapaligiran
ang tag-ulan ay tila ba kaylayo pa
ang tag-init ay hindi ko pa nakikita
ang lamig na dala ng simoy ng hangin
ang init ng luha n'yaring mga mata
mga matang s'ya lamang ang nakikita
at init ng katawang balot pati ang aking kaluluwa
sa aking tabi ay ang buntung-hininga
at ang hiningang amoy kamia
sa tugtog ng ritmong paghinga
na sinasabayan ng halik sa pisngi n'ya
at halik sa leeg at halik sa may tainga
at haplos sa pisngi, sa balikat, at sa mga mata
mga matang ipinipikit at isinasara
upang sa gunita s'ya'y muling makita
at maaaring ang bukas, sa akin ay 'di na rin darating
at maaaring s'ya ay mawalay rin sa aking piling
subalit ngayon, ako'y kanya at s'ya ay akin
sa sandaling ito, s'ya lamang ang aking iibigin
|
