|
IKAW (ay nasa aking harapan)
Mayroon akong hindi maintidihan
pag-isipan man ay hindi maunawaan
subalit kakaunting ngiti at haplos
at halik sa labi pagkatapos
kakaunting pagpupungay ng mga mata
at ang tanging naririnig ay ang iyong pagtawa
na para bang nanggaling pa sa ulap
sa kalawakan ng aking mga pangarap
Kung iyo lamang sanang nababatid
ang damdaming nais kong sa 'yo iparamdam
matatamis na mga halik
at yakap hanggang sa kinaumagahan
kung kailan ang sikat ng araw ay malumanay
at tila ba kaylambot
kasinglambot ng kutis mo
na hanggang ngayon ay hawak-hawak ko
Giliw, kay raming tanong na hindi ko masagutan
Kay raming mga tao't iba't iba ang mga kapalaran
Kasing dami ng mga puno sa kapaligiran
Kasing dami ng mga isda sa karagatan
At ng mga ulap sa malawak na kalawakan
Subalit ikaw, ngayon nga't nasa aking harapan
at yakap ko hanggang sa tanghalian
at kung anuman ang kanina'y katanungan
o mahahalagang bagay na hindi ko maunawan
at bukas ay maaaring hindi ko pa rin maiintindihan
subalit ngayon, ikaw ay nasa aking harapan
|
