|
IROG
May mga pagkakataong katulad ngayon
Na hapdi lamang ang nadarama nitong puso
Hapdi ng paghihintay at pamamanglaw
Dahil hanggang ngayon ang hanap ay ikaw
Ang puso ko'y nagluluksa
Ang tanging nais ay ikaw ang makita
Masilayan ka minsan man lamang
At ang gunita ko'y mapuno nang iyong larawan
Irog, kailangan kita
Kailangan ko ang iyong pagtawa
Ang iyong ngiti ay akin na sana
Ang iyong halik, sana'y maging akin pa
Ikaw ang nagmamay-ari nang aking puso
Kaluluwa ko'y hindi ko na itinatago
Dahil irog, anuman ang gustuhin mo
Kung makakaya'y ibibigay ko
Hindi ko alam kung ito'y pagmamahal o pagsamba
Subalit sa akin, ito'y hindi mahalaga
Anuman ang iyong hingin at naisin
Pati buhay ko'y ibibigay ko rin
Kaya nga ba irog nasaan ka na
Huwag mo akong takbuhan
Huwag mo akong labanan
Kung hindi'y ikukulong ka na naman
|
