Minsan

Minsan, ay aking napagmasdan

Ang bughaw na kalangitan

At ang mga puting ulap sa kalawakan

Na minsan din ay ninais kong mahawakan

Mahaplos, mayakap, at mahagkan

Minsan, noong aking napagmasdan

Ang walang kasing-bughaw na kalangitan

At mga puting ulap na hindi ko nahagkan

Noon din ay minsan pang napamangha

Kung bakit ikaw ay nakikita lamang

Tuwing mga mata'y nababaha ng luha

Ang mga ulap, gaano man kaputi

Kaitim, o kahit pa man pulumpon

Mahinahon, o nagbabantang umambon

Ang mga ulap ay hindi ko binibigyan ng pansin

Maliban sa mga panahon na hindi ko maatim

Ang katotohanang ika'y wala na sa aking piling

Dahil sa panahong kagaya ngayon

Ang nais koy halik sa iyong labi

Yakap at haplos at katahimikang hindi natatapos

Ang nais koy matiyak lamang

Na ika'y naririto na naman

Kahit pa man sa ulap na hindi ko mahawakan

At hindi ko nahagkan kahit minsan